XX. mendeko Euskararen Corpus estatistikoa

Testuingurua

ARNOAREN GOXOA

Arnoketa nenbilela
zu aurkitu zintudan.

Geroztik zure ezpainetan
Oi, zenbat edan dudan!

Berorik handienean
ta elurraren hozkuran
zuk hiltzen duzu barnean
kiskaltzen nauen sua.

Osorik badut gibela,
bihotza, aldiz, hil hurran.

Egarri naiz taigabean
bai neguan, bai udan.

Taigabean zara egarri
zu ere nere gisa.

Ene soina duzu, haatik,
arno bete tirrisa.

Harat-hunat elkarreki
albo-alboka gabiltza,
muina batak bertzeari
edateko irritsan.

Gau eta egun horditurik
demagu orai bizitza
edan ta edan, biharamunik
nehoiz hel ez dadintzat.